पान:रामदासवचनामृत.pdf/90

§३०]

४७

साक्षात्कार

गेले बहुतां बळांचे । गेले बहुतां काळांचे ।
गेले बहुतां कुळांचे । कुळवंत राजे ॥ ४८ ॥
गेले बहुतांचे पाळक । गेले बुद्धीचे चाळक ।
गेले युक्तीचे तार्किक । तर्कवादी ॥ ४९ ॥
गेले विद्येचे सागर । गेले बळाचेडोंगर ।
गेले धनाचे कुबेर । मृत्यपंथें ॥ ५० ॥
गेले बहुत पुरुषार्थाचे । गेले बहुत विक्रमाचे ।
गेले बहुत आटोपाचे^[१] । कार्यकर्ते ॥ ५१ ॥
गेले बहुत शस्त्रधारी । गेले बहुत परोपकारी ।
गेले बहुत नानापरी । धर्मरक्षक ॥ ५२ ॥
गेले बहुत प्रतापाचे । गेले बहुत सत्कीर्तीचे ।
गेले बहुत नीतीचे । नीतिवंत राजे ॥ ५३ ॥
गेले बहुत मतवादी । गेले बहुत कार्यवादी ।
गेले बहुत वेवादी । बहुता परीचे ॥ ५४ ॥
गेली पंडितांची थाटें^[२] । गेली शब्दांची कचाटें^[३] ।
गेली वादकें अचाटें । नाना मतें ॥ ५५ ॥
गेले तापस्यांचे भार । गेले संन्यासी अपार ।
गेले विचारकर्ते सार । मृत्यपंथें ॥ ५६ ॥
गेले बहुत संसारी । गेले बहुत वेषधारी ।
गेले बहुत नानापरी । नाना छंद करूनी ॥ ५७ ॥
गेले ब्राम्हणसमुदाये । गेले बहुत आचार्ये ।
गेले बहुत सांगों काये । किती ह्मणोनि ॥ ५८ ॥

---

1. व्याप.
2. समुदाय.
3. बंडे