________________
33.२६] ... साक्षात्कार.... कैची माता कैचा पिता। कैची बहिण कैचा भ्राता । कैचीं सुहृदें कैची वनिता। पुत्रकळत्रादिक ॥४५॥ हे तूं जाण मावेची। आधवीं सोइरी सुखाची। हे तुझ्या सुखदुःखाची । सांगाती नव्हेती ॥४६॥ कैचा प्रपंच कैचें कुळ । कासया होतोसी व्याकुळ। धन कण लक्ष्मी सकळ । जाइजणें ॥४७॥ कैचें घर कैचा संसार । कासया करिसी जोजार। जन्मवरी वाहोन भार । सेखी सांडून जासी ॥४८॥ कैचें तारुण्य कैचें वैभव । कैचे सोहळे हावभाव। हे सकळही जाण माव । माईक माया ॥४९॥ येच क्षणीं मरोन जासी । तरी रघुनाथीं अंतरलासी। माझें माझें म्हणतोसी । म्हणौनियां ॥ ५० ॥ .. तुवां भोगिल्या पुनरावृत्ती । ऐसी मायबापे किती। स्त्री कन्या पुत्र होती । लक्षानलक्ष ॥५१॥ .. कर्मयोगें सकळ मिळालीं। येके स्थळी जन्मास आलीं। ते तुवां आपुली मानिलीं। कैसी रे पढतमूर्खा ॥५२॥ तुझें तुज नव्हे शरीर । तेथें इतराचा कोण विचार। आतां येक भगवंत साचार । धरी भावार्थबळें ॥ ५३॥ येका दुर्भराकारणें । नाना नीचांची सेवा करणे। नाना स्तुती आणि स्तवनें । मर्यादा धरावी॥ ५४॥ जो अन्न देतो उदासी। शरीर विकावें लागे त्यासी। मा जेणे घातले जन्मासी । त्यासी कैसें विसरावें ॥ ५५ ॥ १ मायेची. २ जाणारे, नश्वर, ३ खटपट, उठाठेव. ४ शेवटी. - -
