पान:रामदासवचनामृत.pdf/227

१८४

[§१०३

रामदासवचनामृत-संकीर्ण ग्रंथ.

भुमिधरनिगमांसी वर्णवेना तयासी ।
सकळभुवनवासी भेटि दे रामदासी ॥१५॥

१०४. तुझा दास मी व्यर्थ जन्मास आलों.

असंख्यात ते भक्त होऊनि गेले ।
तिहीं साधनांचे बहू कष्ट केले ॥
नव्हे कार्यकर्ता भुमीभार झालों ।
तुझा दास मी व्यर्थ जन्मास आलों ॥ १ ॥
बहू दास ते तापसी तीर्थवासी ।
गिरीकंदरीं भेटि नाहीं जनासी ॥
स्थिती ऐकतां थोर विस्मीत झालों ।
तुझा दास मी व्यर्थ जन्मास आलों ॥ २ ॥
सदा प्रेमळांसी तयां भेटलासी ।
तुझ्या दर्शनें स्पर्शनें पुण्यराशी ।
अहंता मनीं शब्दज्ञाने बुडालों ।
तुझा दास मी व्यर्थ जन्मास आलों ॥ ३ ॥
तुझ्या प्रीतिचे दास जन्मासि आले ।
असंख्यात ते कीर्ति बोलोनि गेले ॥
बहू धारणा थोर चकीत^[१] झालों ।
तुझा दास मी व्यर्थ जन्मास आलों ॥ ४ ॥
बहूसाल देवालयें हाटकाचीं^[२] ।
रसाळा कळा लाघवे नाटकाची ॥
पुजा देखतां जाड जीवीं गळालों ।
तुझा दास मी व्यर्थ जन्मासि आलों ॥ ५ ॥

---

1. आश्चर्यचकित.
2. सोन्याची.