या पानाचे मुद्रितशोधन झालेले आहे
१३६
[§७८
रामदासवचनामृत-दासबोध.
जितुकें कांही आपणास ठावें । तितुकें हळुहळु सिकवावें ।
शाहाणे करून सोडावे । बहुत जन ॥ १४ ॥
परोपरी सिकवणे । आडणुका सांगत जाणे ।
निवळ करून सोडणें । निस्पृहांसी ॥ १५ ॥
होईल ते आपण करावें । न होतां जनाकरवी करवावें ।
भगवद्भजन राहावें । हा धर्म नव्हे ॥ १६ ॥
आपण करावें करवावें । आपण विवरावें विवरवावें ।
आपण धरावें धरवावें । भजनमार्गासी ॥ १७ ॥
जुन्या लोकांचा कंटाळा आला । तरी नूतन प्रांत पाहिजे धरिला ।
जितुकें होईल तितुक्याला । आळस करूं नये ॥ १८ ॥
देह्याचा अभ्यास बुडाला । म्हणिजे महंत बुडाला ।
लागवेगें नूतन लोकांला । शाहाणे करावें ॥ १९ ॥
उपाधींत सांपडों नये । उपाधीस कंटाळों नये ।
निसुगपण[१] कामा नये । कोणीयेकविषीं ॥ २० ॥
काम नासणार नासतें । आपण वेडें उगेंच पाहातें ।
आळसी हृदयसुन्य तें । काये करूं जाणे ॥ २१ ॥
धकाधकीचा मामला[२] । कैसा घडे अशक्ताला ।
नाना बुद्धी शक्ताला । म्हणोनि सिकवाच्या ॥ २२ ॥
व्याप होईल तो राहावें । व्याप राहातां उठोन जावें ।
आनंदरूप फिरावें । कोठे तरी ॥ २३ ॥
उपाधीपासूनि सुटला । तो निस्पृहपणे बळावला ।
जिकडे अनुकूल तिकडे चालिला । सावकास ॥ २४ ॥
शाहाणे करून सोडावे । बहुत जन ॥ १४ ॥
परोपरी सिकवणे । आडणुका सांगत जाणे ।
निवळ करून सोडणें । निस्पृहांसी ॥ १५ ॥
होईल ते आपण करावें । न होतां जनाकरवी करवावें ।
भगवद्भजन राहावें । हा धर्म नव्हे ॥ १६ ॥
आपण करावें करवावें । आपण विवरावें विवरवावें ।
आपण धरावें धरवावें । भजनमार्गासी ॥ १७ ॥
जुन्या लोकांचा कंटाळा आला । तरी नूतन प्रांत पाहिजे धरिला ।
जितुकें होईल तितुक्याला । आळस करूं नये ॥ १८ ॥
देह्याचा अभ्यास बुडाला । म्हणिजे महंत बुडाला ।
लागवेगें नूतन लोकांला । शाहाणे करावें ॥ १९ ॥
उपाधींत सांपडों नये । उपाधीस कंटाळों नये ।
निसुगपण[१] कामा नये । कोणीयेकविषीं ॥ २० ॥
काम नासणार नासतें । आपण वेडें उगेंच पाहातें ।
आळसी हृदयसुन्य तें । काये करूं जाणे ॥ २१ ॥
धकाधकीचा मामला[२] । कैसा घडे अशक्ताला ।
नाना बुद्धी शक्ताला । म्हणोनि सिकवाच्या ॥ २२ ॥
व्याप होईल तो राहावें । व्याप राहातां उठोन जावें ।
आनंदरूप फिरावें । कोठे तरी ॥ २३ ॥
उपाधीपासूनि सुटला । तो निस्पृहपणे बळावला ।
जिकडे अनुकूल तिकडे चालिला । सावकास ॥ २४ ॥
