अगाध गुण भगवंताचे । शेष वर्णू न शके वाचे ।
वेदविधि तेहि काचे[१] । देवेंविण ॥ २३ ॥
आत्माराम सकळां पाळी । अवधे त्रयलोक्य सांभाळी ।
तया येकविण धुळी । होये सर्वत्रांची ॥ २४ ॥
जेथें आत्माराम नाहीं । तेथें उरों न शके कांहीं ।
त्रयलोकींचे प्राणी सर्वही । प्रेतरूपी ॥ २५ ॥
आत्मा नस्तां येती मरणें । आत्म्याविण कैचे जिणें ।
बरा विवेक समजणे । अंतर्यामीं ॥ २६ ॥
समजणे जे विवेकाचें । तेंहि आत्म्याविण कैंचें ।
कोणीयेके जगदीशाचें । भजन करावें ॥ २७ ॥
उपासना प्रगट झाली । तरी[२] हे विचारणा कळली ।
याकारणे पाहिजे केली । विचारणा देवाची ॥ २८ ॥
उपासनेचा मोठा आश्रयो । उपासनेविण निराश्रयो ।
उदंड केले तरी तो जयो । प्राप्त नाहीं ॥ २९ ॥
समर्थाची नाही पाठी । तयास भलताच कुटी ।
याकारणे उठाउठी[३] । भजन करावें ॥ ३० ॥
भजन साधन अभ्यास । येणे पाविजे परलोकास ।
दास म्हणे हा विश्वास । धरिला पाहिजे ॥ ३१ ॥
दा. १६.१०. २३-३१.
परंतु येथे भगवंताचें । अधिष्ठान पाहिजे ॥ २६ ॥
