पान:रामदासवचनामृत.pdf/124

§४७]

८१

साक्षात्कार.

सुख दुःख उद्धेग चिंता । अथवा आनंदरूप असतां ।
नामस्मरणेंविण सर्वथा । राहोंच नये ॥ ४ ॥
हरुषकाळी विषमकाळीं । पर्वकाळी प्रस्तावकाळीं^[१] ।
विश्रांतिकाळी निद्राकाळीं । नामस्मरण करावें ॥ ५ ॥
कोडें सांकडे संकट । नाना संसार खटपट ।
अवस्ता लागतां चटपट । नामस्मरण करावें ॥ ६ ॥
चालता बोलतां धंदा करितां । खातां जेवितां सुखी होता ।
नाना उपभोग भोगितां । नाम विसरों नये ॥ ७ ॥
संपत्ती अथवा विपत्ती । जैसी पडेल काळगती ।
नामस्मरणाची स्थिती । सांडूच नये ॥ ८ ॥
वैभव सामर्थ्य आणी सत्ता । नाना पदार्थ चालतां ।
उत्कट भाग्यश्री भोगितां । नामस्मरण सांडूं नये ॥ ९ ॥
आधी आवदसा^[२] मग दसा । अथवा दसेउपरी आवदसा ।
प्रसंग असो भलतैसा । परंतु नाम सोडूं नये ॥ १० ॥
नामें संकट नासती । नामें विघ्ने निवारती ।
नामस्मरणें पाविजेती । उत्तमपदें ॥ १२ ॥
भूत पिशाच्य नाना छंद । ब्रह्मगिऱ्हो^[३] ब्राह्मणसमंध ।
मंत्रचळ नाना खेद । नामनिष्ठे नासती ॥ १२ ॥
नामें विषबाधा हरती । नामें चेडें चेटकें नासती ।
नामें होये उत्तम गती । अंतकाळी ॥ १३ ॥
बाळपणीं तारुण्यकाळीं । कठिण काळी वृद्धाप्यकाळीं ।
सर्वकाळी अंतकाळीं । नामस्मरण असावें ॥ १४ ॥

---

1. पश्चात्ताप.
2. अवदशा.
3. ग्रह.

 ६