पान:रामदासवचनामृत.pdf/122

§४६ ]

७९

साक्षात्कार.

जयास अहंकार नसे । नैराशता विलसे ।
जयापासीं कृपा वसे । तो सत्वगुण ॥ ६२ ॥
सकळांसी नम्र बोले । मर्यादा धरून चाले ।
सर्वजण तोषविले । तो सत्वगुण ॥ ६३ ॥
सकळ जनासी आर्जव । नाहीं विरोधास ठाव ।
परोपकारी वेची जीव । तो सत्वगुण ॥ ६४ ॥
आपकार्याहून^[१] जीवीं । परकार्यसिद्धी करावी ।
मरोन कीर्ती उरवावी । तो सत्वगुण ॥ ६५ ॥
पराव्याचे दोषगुण^[२] । दृष्टीस देखे आपण ।
समुद्रा ऐसी सांठवण । तो सत्वगुण ॥ ६६ ॥
नीच उत्तर साहाणे । प्रत्योत्तर न देणे ।
आला क्रोध सावरणें । तो सत्वगुण ॥ ६७ ॥
अन्यायेंवीण गांजिती । नानापरी पीडा करिती ।
तितुकेंहि सांठवी चित्तीं । तो सत्वगुण ॥ ६८ ॥
शरीरें घीस साहाणें । दुर्जनासी मिळोन जाणे ।
निंदकास उपकार करणे । हा सत्वगुण ॥ ६९ ॥
मन भलतीकडे धांवे । तें विवेके आवरावें ।
इंद्रिये दमन करावें । तो सत्वगुण ॥ ७० ॥
सक्रिया आचरावी । असत्क्रिया त्यागावी ।
वाट भक्तीची धरावी । तो सत्वगुण ॥ ७१ ॥
जया आवडे प्रातःस्नान । आवडे पुराणश्रवण ।
नाना मंत्री देवतार्चन । करी तो सत्वगुण ॥ ७२ ॥

---

1. आपल्या.
2. दोषगुणाप्रमाणे.