पान:रामदासवचनामृत.pdf/119

७६

[§४६

रामदासवचनामृत-दासबोध.

देवाकारणे खाद्य । नाना प्रकारी नैवेद्य ।
अपूर्व फळे अर्पी सद्य । तो सत्वगुण ॥ २९ ॥
ऐसी भक्तीची आवडी । नीच दास्यत्वाची गोडी ।
स्वयें देवद्वार झाडी । तो सत्वगुण ॥ ३० ॥
तिथी पर्व मोहोत्साव । तेथें ज्याचा अंतर्भाव ।
काया वाचा मनें सर्व । अर्पी तो सत्वगुण ॥ ३१ ॥
हरिकथेसी तत्पर । गंधे माळा आणी घुशर^[१] ।
घेऊन उभी निरंतर । तो सत्वगुण ॥ ३२ ॥
नर अथवा नारी । येथानशक्ति सामग्री ।
घेऊन उभी देवद्वारीं । तो सत्वगुण ॥ ३३ ॥
महत्कृत्य सांडून मागें । देवास ये लागवेगें ।
भक्ति निकट आंतरंगें । तो सत्वगुण ॥ ३४ ॥
थोरपण सांडून दुरी । नीच कृत्य आंगिकारी ।
तिष्ठत उभी देवद्वारीं । तो सत्वगुण ॥ ३५ ॥
देवालागी उपोषण । वर्जी तांबोल भोजन ।
नित्य नेम जपध्यान । करी तो सत्वगुण ॥ ३६ ॥
शब्द कठीण न बोले । अतिनेमेसी चाले ।
योगी जेणें तोषविले । तो सत्वगुण ॥ ३७ ॥
सांडूनियां अभिमान । निष्काम करी कीर्तन ।
श्वेद^[२] रोमांचस्फुरण । तो सत्वगुण ॥ ३८ ॥
अंतरी देवाचें ध्यान । तेणें निडारले^[३] नयन ।
पडे देहाचे विस्मरण । तो सत्वगुण ॥ ३९ ॥

---

1. बुक्का.
2. स्वेद.
3. भरून आले.