या पानाचे मुद्रितशोधन झालेले आहे
§३९]
६१
साक्षात्कार.
म्हणोनि ते क्रोधरहित । जाणती स्वरूप संत ।
नासिवंत हे पदार्थ । सांडुनियां ॥ २६ ॥
तेथें नाहीं दुसरी परी । क्रोध यावा कोणावरी ।
क्रोधरहित सचराचरीं । साधुजन वर्तती ॥ २७ ॥
आपुला आपण स्वानंद । कोणावरी करावा मद ।
याकारणें वादवेवाद । तुटोन गेला ॥ २८ ॥
साधुस्वरूप निर्विकार । तेथें कैंचा तिरस्कार ।
आपला आपण मत्सर । कोणावरी करावा ॥ २९ ॥
साधु वस्तु आनायासें । याकारणें मत्सर नसे ।
मदमत्सराचें पिसें । साधुसी नाहीं ॥ ३० ॥
साधु स्वरूप स्वयंभ । तेथें कैचा असेल दंभ ।
जेथे द्वैताचा आरंभ । जालाच नाहीं ॥ ३१ ॥
जेणे दृश्य केलें विसंच[१] । तयास कैंचा हो प्रपंच ।
याकारणें निःप्रपंच । साधु जाणावा ॥ ३२ ॥
अवघे ब्रह्मांड त्याचें घर । पंचभूतिक हा जोजार[२] ।
मिथ्या जाणोन सत्वर । त्याग केला ॥ ३३ ॥
याकारणे लोभ नसे । साधु सदा निर्लोभ असे ।
जयाची वासना समरसे । शुद्धस्वरूपीं ॥ ३४ ॥
आपुला आपण आघवा । स्वार्थ कोणाचा करावा ।
म्हणोनि साधु तो जाणावा ॥ शोकरहित ॥ ३५ ॥
दृश्य सांडून नासिवंत । स्वरूप सेविलें शाश्वत ।
याकारणे शोकरहित । साधु जाणावा ॥ ३६ ॥
नासिवंत हे पदार्थ । सांडुनियां ॥ २६ ॥
तेथें नाहीं दुसरी परी । क्रोध यावा कोणावरी ।
क्रोधरहित सचराचरीं । साधुजन वर्तती ॥ २७ ॥
आपुला आपण स्वानंद । कोणावरी करावा मद ।
याकारणें वादवेवाद । तुटोन गेला ॥ २८ ॥
साधुस्वरूप निर्विकार । तेथें कैंचा तिरस्कार ।
आपला आपण मत्सर । कोणावरी करावा ॥ २९ ॥
साधु वस्तु आनायासें । याकारणें मत्सर नसे ।
मदमत्सराचें पिसें । साधुसी नाहीं ॥ ३० ॥
साधु स्वरूप स्वयंभ । तेथें कैचा असेल दंभ ।
जेथे द्वैताचा आरंभ । जालाच नाहीं ॥ ३१ ॥
जेणे दृश्य केलें विसंच[१] । तयास कैंचा हो प्रपंच ।
याकारणें निःप्रपंच । साधु जाणावा ॥ ३२ ॥
अवघे ब्रह्मांड त्याचें घर । पंचभूतिक हा जोजार[२] ।
मिथ्या जाणोन सत्वर । त्याग केला ॥ ३३ ॥
याकारणे लोभ नसे । साधु सदा निर्लोभ असे ।
जयाची वासना समरसे । शुद्धस्वरूपीं ॥ ३४ ॥
आपुला आपण आघवा । स्वार्थ कोणाचा करावा ।
म्हणोनि साधु तो जाणावा ॥ शोकरहित ॥ ३५ ॥
दृश्य सांडून नासिवंत । स्वरूप सेविलें शाश्वत ।
याकारणे शोकरहित । साधु जाणावा ॥ ३६ ॥
