पान:अद्भुत दुनिया व्यवस्थापनाची (Adbhut Duniya Vyavasthapanachi).pdf/३९

विकिस्रोत कडून
Jump to navigation Jump to search
हे पान प्रमाणित केलेले आहे.


या संकटावर मात कशी करणार?

सुधीरच्या घरातलं वातावरण गेले काही दिवस खूपच तणावग्रस्त बनलं होतं.स्वतः तो, त्याचे नुकतेच निवृत्त झालेले वडील, आई व पत्नी सारे जण वेगळ्याच दडपणाखाली होते. तसं पाहता वेळ अजून आली नव्हती, पण काळ निश्चित आला होता. नाही म्हणायला त्याचा नुकताच 'लोअर के.जी'.त जाऊ लागलेला चार वर्षांचा मुलगा हसत-हुंदडत होता, कारण कोणती परिस्थिती ओढवलेली आहे,हे समजण्याइतकं त्याचं वय नव्हतं.

 लहानपणापासून सुधीर अत्यंत हुशार. वर्गात कायम पहिल्या पाचांत नंबर. वडील सरकारी बँकेत क्लार्क. त्यामुळे पगार फार मोठा नसला तरी सुरक्षित नोकरी होती. त्याची आई सामान्य गृहिणी,असं त्यांचं मध्यमवर्गीय पण सुखी कुटुंब होतं.

 कालांतराने सुधीरने कॉम्प्युटर तंत्रज्ञान या विषयात इंजिनिअरिंगची पदवी घेतली. पुढे पोस्ट गॅज्युएशन केलं.शैक्षणिक पात्रता व बुध्दीच्या जोरावर सहा वर्षांपूर्वी त्याला

अद्भुत दुनिया व्यवस्थापनाची (Adbhut Duniya Vyavasthapanachi).pdf

या संकटावर मात कशी करणार?/ ३०