दत्ताची आरती/ आरती ओवाळूं श्रीगुरु दत्तराज स्वामी
आरती ओवाळूं श्रीगुरु दत्तराज स्वामी ।
शरण आलो तुला देवा भक्तीने हा मी ॥ धृ. ॥
तारीं तारीं स्वामी आतं बुडतो भवडोहीं ।
अहंभाव जाळुनि माते कृपेने पाही ॥ १ ॥
शुद्धभाव देऊनि मज लावीं तव भजनीं ।
प्रपंची त्रासलो यांतुनि काढावे क्षणीं ॥ २ ॥
तवगुणलीळा नित्यनिरंतर ऎकवी श्रवणी ।
हाची वर मजला द्यावा श्रीगुरुमूर्तीनीं ॥ ३ ॥
मोरेश्वरसुत वासुदेव हा करितो तव सेवा ।
स्वामि समर्था देई यांसी भक्तीचा ठेवा ॥ ४ ॥
![]() |
हे साहित्य भारतात तयार झालेले असून ते आता प्रताधिकार मुक्त झाले आहे. भारतीय प्रताधिकार कायदा १९५७ नुसार भारतीय साहित्यिकाच्या मृत्युनंतर ६० वर्षांनी त्याचे साहित्य प्रताधिकारमुक्त होते. त्यानुसार १ जानेवारी १९५६ पूर्वीचे अशा लेखकांचे सर्व साहित्य प्रताधिकारमुक्त होते. | ![]() |
![](http://upload.wikimedia.org/wikipedia/commons/thumb/4/4a/Question_Copyright_2.png/50px-Question_Copyright_2.png)