या पानाचे मुद्रितशोधन झालेले आहे
महात्मा फुले समग्र वाङ्मय
५२
स्नेह यशजी कंकाचा ॥
मित्रां आधीं ठेवी जमाव केला मावळ्याचा ॥
पूर करी हत्यारांचा ।।
मोठ्या युक्तिनें सर केला किल्ला तोरण्याचा ॥
रोवला झेंडा हिंदूचा ॥
राजगड नवा बांधला ऊंच डोंगराचा ॥
भ्याला मनीं विजापुराचा ॥
दुसरा भ्याला मेला बेत नव्हता पूर्वीचा ।।< br>
दादोजी कोंडदेवाचा ॥
मासा पाणी खेळे गुरु कोण असे त्याचा ।
पवाडा गातो शिवाजीचा |
कुळवाडी भूषण पवाडा गातो भोसल्याचा ।
छत्रपती शिवाजीचा ||२॥
जाहागीरचा पैसा सार लावी खर्चास ।
चाकरी ठेवी लोकांस |
थाप देऊन हातीं घेई चाकण किल्ल्यास ।
मुख्य केले फिरंगोजीस ||
थोड्या लोकांसहीत छापा घाली सुप्यास ।
कैद पाहा केलें मामास ।
सुप्या सोबत हातीं घेतलें तीनशे घोड्यास ।
करामत केली रात्रीस ॥
मुसलमानां लांच देई घेई कोंडाण्यास ।
सिंहगड नांव दिले त्यास ॥
