या पानाचे मुद्रितशोधन झालेले नाही
४५ शिवाजीचा पवाडा कुळवाडी-भूषण पवाडा गातो भोसल्याचा । छत्रपती शिवाजीचा ॥ लंगोट्यांस देई जानवीं पोषींदा कूणब्यांचा । काळ तो असे यवनांचा ॥ शिवाजीचा पिता शाहाजी पुत्र मालोजीचा । असे तो डौल जाहगिरीचा ॥ पंधराशे एकूणपन्नास साल फळलें । जुन्नर ते उदयांशी आलें ॥ शिवनेरी किल्ल्यामध्ये बाळ शिवाजी जन्मले जिजीबाइस रत्न सांपडले ॥ हातापायांची नख बोट शुभ्र प्याजी रंगीलें। ज्यानी कमळा लाजिवलें॥ वर खालीं टिया पोटऱ्या गांठी गोळे बांधले। स्फटिकापरि भासले ॥ सान कटी सिंहापरी छाती मांस दुनावलें । नांव शिवाजी शोभलें। राजहौंसी उंच मान माधे मांदे दोंदीलें। जसा का फणीवर डोले ॥ एकसारखे शुभ्र दंत चमकू लागले । मोती लडी गुतिवलें ॥ रक्तवर्ण नाजूक होटी हातूं छपिवलें । म्हणोन बोबडे बोले॥ सरळ नीट नाक विशाळ डोळ्यां शोभले । विषावें मृग वनी गेले ॥
