१३२ वितां येत नाहीं. तैसाच प्रसंग असता तर अगत्यरूप कार्य केले जातें. आह्मांस आणखी प्रसाद पाठवाल तो खाऊं कळले पाहिजे. निरंतर आशीर्वादपत्रीं सांभाळ केला पाहिजे. तुझांस कळेल तसें गांवचें पारि- पत्य करणें बहुत काय लिहिणें हे विज्ञप्ति. . पेशवे. बाजीराव. श्री. [ लेखांक ११४ ] श्रीमत् महाराज राजश्री श्री परमहंस परशराम स्वामींचे सेवेसी:- आज्ञाधारक बाजीराऊ कृतानेक विज्ञापना ऐसीजे, स्वामींचे रुपये x x x x याचा हवाला वाडीचे मुक्काम घेतला. त्यास, स्वामींनीं अंतोबा व खंडोजी ऐसे पत्रे देऊन पाठविले. त्यांस एक दोन चार दिवस येथें लागले. त्याउपरी तीर्थरूप रा० नानांनीं ऐवज व पत्रे पाठविलीं तींच पाठविली आहेत. व त्याखेरीज येथें जे तरतूद जाली ते एकूण मोहरा ४१ एकेचाळीस पाठविल्या. त्याखेरीज तरतूद जाली नाहीं. आह्मीं जर स्वामींच्या कार्यास अनमान केला असेल तरी स्वा- मींच्या पायाची शपथ असे; व येथील सविस्तर वृत्त आमचें अंतोबा सांगतां कळों येईल. विदित जाले पाहिजे व बाकी ऐवज जो राहिला तोही मागून एका मासाअलीकडेच पाववूं. अंतर सहसा पडणार नाहीं. मोहरा पावलीयाचा जाब पाठवून द्यावया आज्ञा केली पाहिजे. अंतो- ● - १ विरूवाई ही शाहूमहाराजांची राख होती. तिच्या पोटी राजसबाई नामक एक कन्या झाली होती. हिजला शाहूमहाराजांनी जातीकडून शुद्ध करवून घेऊन मल्हारराव कदम बांडे कोपरेळकर यांस दिली होती. परंतु ह्या गोष्टीस मलव- डीकर घाटगे व फलटणचे निंबाळकर हे विरुद्ध होते. त्यामुळे त्यांचे व शाहू महाराजांचें सौरस्य कमी झाले होते. ह्या प्रसंगाचा ह्या पत्रांत उल्लेख असावा असे वाटते.
