व्हेनिसनगरचा व्यापारी प्रस्तावनां. २३ हे शब्दप्रयोग कानाला गोड लागत नाहीत. इतकेंच केवळ नाहीं तर त्यांत अरसिकपणाचीही झाक दिसून येते असें म्हणावयास चिंता नाही. अशा ओंगळ शब्द प्रयोगाच्या ऐव- जीं 'स्वदेश' ' जन्मभूमि' हे शब्द उत्कृष्ट असून चांगले शुद्ध आहेत. आणि मातृविषयक प्रेमाचा पान्हाच फोडाव- याचा असेल तर ‘भूमाता' व ऋचित् 'देशजननी हे शब्द- ही प्रशस्थ आहेत. ते योजण्यांत येतील तर किती बरें होईल. C परंतु मराठी भाषेकडे पूर्ण दुर्लक्ष असल्यामुळे आणि इंग्रजी भाषेच्या अत्यंत परिचयामुळे, केव्हां केव्हां तर मराठी योग्य शब्द न सुचतां त्या अर्थाच्या इंग्रजी शब्दाचें निव्वळ भाषांतर होऊन बोलण्यांत व लिहि- ण्यांत येते तेव्हां जी मजा उडते ती कांहीं पुसूं नये. असें एक उदाहरण नुकतेंच आम्हास ऐकावयास मिळालें तें येथे सांगण्यासारखे आहे. कोणी गृहस्थ म्हणाले- अहो, तेवढे ते 'घड्याळाचे' हात सारून घड्याळ लावाल काय ?" यावर दुसरे । गृहस्थानें उत्तर केले "घडयाळ लावतों, पण तुमच्या घडया- ळाला हात कधी फुटले ? " हे शब्द ऐकतांच पहिले गृहस्थ एकदम शुद्धीवर आले व त्यांस आपली चूक तत्काळ कळून आली; तशीच ती आमच्या वाचकांसदी कळून आल्यावांचून रहाणार नाही. इंग्रजीत ( The hands of a clock ) असें हाणतात. पण मराठीत वडयाळाचे हात असें न ह्मणतां कांटे ह्मणण्याची वहिवाट आहे, हे कोणासही सांगावयास पाहिजे असे नाहीं. अशाच प्रकारची मौज मराठींत प्रसिद्ध झालेल्या कित्येक ग्रंथांतून व मासिक पुस्तकांतील लेखांतून आढळून येऊं लागली आहे. तेव्हां मराठी भाषेच्या आस्थेवाइकांचे लक्ष तिकडे जाणे जरूर आहे.
