या पानाचे मुद्रितशोधन झालेले आहे
________________
प्राक्तन
का तुम्ही सरळ निघुन जावे
विस्कटून श्वास कळ्यांचे
नुकतेच बिलगले होतो ना
गळा हात कोवळ्या चांदण्यांचे
प्रारब्ध म्हणा दुर्दैव म्हणा
सटवाईचे लिखाण म्हणा
कसे जगायचे सांगा आम्ही
पहायचा तरी होता ताठ कणा
अजून ना पाठीवर फिरला हात
ना छातीवर उघड्या नीज निवांत
ना दिशा ना ठावे अंतर किती कोस
सोडून चार उसासे बैठक पडली ओस
फक्त उमलायला अवसर हवा होता
सुगंध नसातून घुमायला हवा होता
आलिंगने तुम्हां घट्ट द्यायचीच होती
तुमचे हसायचे राहिलेच त्या इवल्या राती
उमजले आम्हा सत्य जीवनाचे
होऊन पोरके इथे कसे जगायाचे
नका व्यर्थ सांगू, दोषुनि ती नियती
कळले यमसदनी तेवते प्राणज्योती
वय माझे पाच हजार / ४६
