मिळवावें. जांभळ्या रंगाचा लिटमस कागद त्या मिश्रणांत बुडवून वर काढल्यावर तो कागद लाल किंवा गुलाबी दिसला म्हणजे त्यास अम्ल धर्म आला असे समजावे. या प्रमाणाने सलफ्युरीक आसीड मिळवून ढवळून नंतर ते मिश्रण २४ तास स्थिर ठेवावे. म्हणजे त्याचे तीन थर होतात. १ पहिला व वरचा थर म्हणजे नुसता मळकट व तेलकट फेस असतो. दुसरा व मधला थर म्हणजे निवळ पाणी असते. ३ तिसरा व खालचा थर ह्मणजे तेलकट चिखल तळाशी जमलेला असतो. याप्रमाणे तीन थर झाल्यावर त्यांतील मधले पाणी वांकडया नळीने किंवा कॉकनें काढून टाकावे. व खालचा चिखल एका कपड्यावर घालावा, ह्मणजे त्यांत मिश्र असलेले पाणी गळून खाली पडते. त्या कपड्यावर राहिलेला बराच घट्ट असा चिखल क्यानवास कपड्याच्या पिशव्यांत घालून त्या पिशव्या हायडालिक प्रेसमध्ये ठेवून दाबाव्या. दाबतांना त्या प्रेसमधील द्रव्यास थोडी उष्णता द्यावी. ह्मणजे पाणी व मळकट स्निग्ध आसिडें एकत्र अशी बाहेर निघतात, नंतर तें मिश्रण स्थिर ठेवावें, म्हणजे पाणी खाली व स्निग्ध आसिडे वर जमतात. वर जमलेली स्निग्ध आसिडें कादून या रीतीच्या पहिल्या प्रकारांत लिहिल्याप्रमाणे ती उर्ध्वपातनाने गाळून काढावीत. नंतर पुनः दाबावीत. ह्मणजे प्रेसमध्ये पिवळ्या किंवा पिवळट रंगाचे व घट्ट द्रव्य राहते. या पिवळ्या कठिण द्रव्याच्या मेणबत्त्या करतात, पण त्या हलक्या प्रतीच्या असतात. बाहेर निघालेले तेल पुनः लोकरीच्या उपयोगांत आणावें.
३ च्या रीतीचा चवथा प्रकार-या प्रकाराने काम करणंयत स्निग्ध पदार्थावर सलफ्युरीक आसिडाची अम्लक्रिया घडवूनही ग्लिस-
