पान:मेणबत्त्या.pdf/169

१४१

 इ या हौदांत प्रथमच सलफ्युरीक आसीड भरून ठेवावें, इ हौदाच्या नळीचा ग हा कॉक उघडून त्यांतील सलफ्युरीक आसीड ड मधील स्निग्ध पदार्थात सोडण्यास सुरवात करावी. नंतर नळाच्या मा. पानें तें सलफ्युरिक आसिड २-२॥ मण त्या स्निग्ध पदार्थात पडत्यानंतर ग कॉक बंद करावा. डमधील स्निग्ध पदार्थ व हे सलफ्युरीक आसीड सर्व एकत्र झाले ( उष्णतेमुळे लवकर एकत्र होतात, ) म्हणजे आम्लक्रिया पुरी झाली असे समजावे. नंतर उष्णता [ वाफ ] बंद करावी, व तेथें [ड मध्ये ] ते मिश्रण सहा तास राहू द्यावे, या वेळेस ड मधील स्निग्ध पदार्थाचे पृथक्करण होऊन स्निग्ध आसिडे तयार होतात व ग्लिसराईन सलफ्युरीक आसिडाने जळून जाते. नंतर १०० भाग पाण्यांत २-४ भाग सलफ्युरीक आसीड असें अम्ल पाणी तयार करावें, या अम्ल पाण्याने दरेक ज हौद एक तृतीयांशपर्यंत भरावा.
 सहा तास झाल्यावर ड भांड्याचाच च कॉक उघडून त्यांतील स्निग्ध द्रव्य दरेक ज हौदांतील पाण्यांत सोडावे. नंतर ज या प्रत्येक हौदांत त्यास लागू केलेल्या नळीतून वाफ सोडून तेथें तें अम्ल द्रव्य व अम्ल पाणी यांचे मिश्रण दोन तास शिजवावे. नंतर तेथेंच ते सर्व मिश्रण २४ तासपर्यंत स्थिर ठेवावे. २४ तास झाल्यानंतर वरची स्निग्ध आसिडें नळीने आ या हौदांत सोडावी, नंतर आ हौदांतून भ पंपाने ध नळीवाटें ह या हौदांत ती सोडावी. यावेळेस ही स्निग्ध आसिडे काळ्या रंगाची दिसतात ह्मणून त्यांचे उर्ध्वपातन करणे भाग पडते.
 ह या हौदांत आल्यावर जर ती स्निग्ध आसिडें घट्ट झाली तर त्यास लागू केलेल्या नळीत वाफ सोडून ती पातळ स्थितीत ठेवावी. नंतर ह हौदाच्या नळीचा ब हा कॉक उघडून तिच्या वाटें ती य या उर्ध्वपा. तनाच्या भांड्यांत सोडावी.