दिला. त्याची सनद उपलब्ध झाली आहे, ती वाचकांच्या माहितीकरितां येथें देतों :-
अस्सलवरून नक्कल
सन १७६३
स्ने ॥ सदाशीव चिमणाजी सचीव आसिर्वाद सुमा आर्बा सीतैन मयाव अलफ तुझी संस्थानांत श्रम साहस करून सरकार उपयोगी बहुत पडला आणि लिहीणार सरंदाज ऐसें जाणून पहिल्यापासून दप्तरदारीचा दरक संव- स्थानांत नाहीं तो तुम्हांस खुद जातीस सांगोन वेतन सालीना ३०० तीनसे करार करून दिल्हे असे तरी इमाने इतबारें दप्तरदारीचें दरकाचें कामकाज करीत जाणें नेमणुके प्रो वेतन पावेल जाणिजे छ १ माहे x x हुजूर (शिक्का) मोर्तब सूद.
ह्याखेरीज त्यांनी आणखीहि पराक्रमाची व मुत्सद्देगिरीची अनेक कामें
केल्यामुळे सचिवानें त्यांस आपल्या दिवाणागिरीचीं वस्त्रे दिली होती.
दुसरा मैराळ हा कोटनिसीचा दरक संभाळून होता. तिसरा खंडेराव
यासंबंधी कांहीच माहिती उपलब्ध नाहीं; परंतु त्याचा मुलगा सदाशीव
फारच पराक्रमी व मुत्सद्दी होता. त्यानें सचिवाच्या दौलतीचा कारभार
व संस्थानच्या संरक्षणार्थ शत्रूंबरोबर अनेक लढाया केल्या. ह्या त्याच्या परा-
क्रमाचें पारितोषक म्हणून सचिवानें त्यांस पौन मावळांतील "साठेसाही " हा गांव
इनाम दिला. ह्यानेंच सन १८५७ बंडाच्या वेळी बंडखोरांच्या पारि
