पान:मावळा सरदार विश्र्वासराव दिघे देशपांडे यांचें चरित्र.pdf/२४

 चरित्रनायक शिवाजीच्या राजकारणांत येऊन मिळाल्यानंतर थोडक्याच दिवसांत रोहीड खोऱ्यांतील कुळकर्ण्याचा मुलगा दादजी नरसप्रभु हाहि शिवाजीबरोबर स्वराज्याची शपथ घेऊन त्यांच्या राजकारणांत स्वयंस्फूर्तीनें येऊन मिळाला. हें वर्तमान विजापूर दरबारी बांदल देशमुख, खोपडे व जेधे देशमुख वगैरेंनी कळविलें. तेव्हां विजापूराहून दादजी नरसप्रभु यांचे वडीलांस आपला सुलगा शिवाजीच्या राजकारणांत मिळाला आहे. त्यास त्यापासून परा- वृत्त करावें, म्हणून धमकीचें पत्र आले. त्यावेळी नरसोबावा फारच हवालदील झाला. व आतां आपके पारिपत्य अदिलशहा खास करणार, असे त्यांस वाटलें. ही हकिकत शिवाजीस कळली. त्यावरून शिवाजीनें दादजी नरसप्रभुस शके १५६७ वैशाख शुद्ध १ चें पत्र लिहिलें तें: - ( रा. खं. १५ पृ. २६८ ) 'तुम्हांस मेहरबान वजिराचा विजापुराहून हुकूम आला तो ठाणें सिरवलाहून अभिमानी तुम्हाकडे पाठविला त्याजवरून तुमचे बाप नरसिबावा हवालदिल झाले, वगैरे कितेक बहुतेक लि ॥ त्यास शाहासी बेमानगिरी तुझीं व आम्ही करीत नाही श्री रोहिरेश्वर तुमचे खोरी यांतील आदिकुलदेव तुमचा डोंगरमाथा पठारावर शेंद्रीं लगत स्वयंभू आहे. त्यांनी आह्मांस यश दिलें व पुढें तो सर्व मनोरथ हिंदवी स्वराज्य करून पुरवि- णार आहे त्यांस बावास हवाल होऊं नये खामाखा सांगावा आणि तुझीं तो कागद घेऊन सिताब हुजूर येणें राजश्री श्रीदादजीपंताचें विद्यमानें बावाचें व तुमचें व आमचें श्रीपासी इमान जाले ते कायम वज्रप्राय आहे. त्यांत अंतर आह्मीं व आमचे वंशज लेकराचें लेकरी वतन वगैरे चालविण्याविसी कमतर करणार नाहीं हें राज्य व्हावें हें श्रीचे मनांत फार आहे याप्रमाणे बावाचे मनाची खातरी करून तुझीं येणें " वरीलप्रमाणें शिवाजींचें आश्वासन, व मोठें बोधपर पत्र दादजी नरसप्रभु यांस आलें.