प्रसिद्ध कवीश्वर जगन्नाथ पंडितानें पातंजल भाष्याचा अभ्यास केला असे
जगन्नाथानें आपल्या रसगंगाधरांत लिहिले आहे; अनंत शेष हा अलंकार
शास्त्रज्ञ होता; त्यानें जयराम कवस समस्या घातली होती; हें नांव परि-
चितांपैकी आहे.
( १६) संभाजी राजे भोसले; — शहाजी व जिजाबाई यांचा वडील
मुलगा व शिवाजीचा वडील भाऊ; यानें जयराम कवीस ( संस्कृत ) समस्या
घातली होती; यास विधियुक्त यौवराज्याभिषेक झाला होता; याची हकी-
कत शहाजीच्या चरित्रांत दिली असल्यामुळे या ठिकाणी द्विरुक्ती केली नाही.
( १७) यलोजी महाले घंटाघोष; - देशस्थ ब्राह्मण महाले, घंटाघोष ही
दोन उपनांवें; योग, न्याय मिमांसा, काव्य, नाटक, अलंकार, इत्यादि
शास्त्रांत व कलांत निष्णात होता; हा मोठाच विद्वान पंडित असून त्यानें
जयरामास समस्या घातली होती; युवराज संभाजीराजे यांचा परम स्नेही;
हें नोव पूर्वपरिचित नाहीं.
( १८) रघुनाथ पंडित, सबंध नांव रघुनाथ नारायण हणमंते;- नारोपंत
हणमंते यांचा मुलगा, हा वयानें तरुण, परंतु बुद्धीनें पोत होता; याची
हकीकत शहाजीच्या चरित्रांत दिलेली आहे.
(१९) सखोपंडित; - अडनांव दिले नाहीं; हा भांडागार, बागा, थट्टी, कलावंत
यांच्यावरील अधिकारी असून पगार वाटण्याचे काम त्याच्याकडे असे; सर्व
लोकांशी मित्रत्वाने वागण्यांत व मिठ्ठे बोलण्यांत तो प्रवीण असून शहाजी
राजाचा तर केवळ बहिश्वर प्राण असे. नांव पूर्वपरिचित नाहीं.
( २०, २१) रघुनाथपंत व लक्ष्मणपंतः- शहाजीराजाच्या दरबारांतील
मुत्सद्दी, हे उभयतां लोलिंब कमें म्हणजे नर्म कर्म संपादण्यांत राजाचे साह्य-
कारी होते; राणीवंशाची व्यवस्था पाहण्याचे काम यांच्याकडे असावे; नांवें
पूर्वपरिचित नाहीत.
( २२ ) दत्तो नागनाथ;- शहाजीच्या दरबारांतील मुत्सद्दी असावा; जय-
राम कवीचा नातेवाईक; नांव पूर्वपरिचित नाही.
( २३) विश्वनाथभट्ट मंगल पाठक:- याजकडेस प्रात:स्मरण उच्च व
मधूर स्वरानें पढून राजाला उठविण्याचे काम असे; नांव पूर्वपरिचित नाही.