आलेला आहे. या देशांतील मूळ लोक कोण होते, व ते कोठून आले, या बद्दल
अजून निश्चित असा शोध लागलेला नाहीं. तथापि हिंदुस्थानचे मूळचे लोक अनार्य
हे असून त्यानंतर द्रवीड लोक पहिल्यानें हिंदुस्थानच्या वायव्य व ईशान्य दिशेनें
या देशांत आले, व त्यानंतर चीन देशांतून पिवळट रंगाचे मंगोलियन व त्यानंतर
आर्य लोक हिंदुस्थानांत आले, असे उपलब्ध माहिती वरून निदर्शनास येत आहे;
या आर्य लोकांचे मूळ वस्तिस्थान आशिया मायनरमध्यें, मध्य आशियांत
कास्पियन समुद्राच्या आसपास अथवा काकेशस पर्वतानजीक होतें, असा आज-
पर्यंतचा समज होता; व डॉक्टर मोल्टन याच्या मदाप्रमाणे हे मूळ बस्तिस्थान
डान्यूब नदीच्या उत्तर दिशेस होतें; परंतु, उत्तर ध्रुवा जवळील आर्टिक प्रदे-
शांत किंवा युरोप खंडाच्या उत्तर भागांत आर्य लोकांचे मूळ वस्तिस्थान होतें,
असें ही अलीकडे एक नवीन मत निघालेले आहे; कारण त्या ठिकाणीं वर्षांतील
सहा महिने रात्र व सहा महिने दिवस असतो; म्हणून तैत्तिरीय ब्राह्मणांत
( ३ - ९ - २२ ) “एकंवा एतद्देवानामहः । यत्संवत्सरः ॥ ( म्हणजे संवत्सर हा
देवांचा एक दिवस आहे) असा उल्लेख आहे, तो याच गोष्टीस अनुलक्षून केला
असावा असे दिसते; त्याप्रमाणेच संवत्सर म्हणजे देवांचा अहोरात्र एक दिवस
अर्से वेदोत्तर कालीन ज्योतिषांतही दिग्दर्शन केलेले आहे; त्या वरूनही वरील
तर्कास पुष्टी येते; शिवाय आर्य लोक एकत्र असल्या वेळी हीम, हिवाळा, वसंत
काळ, या अर्थाचे जे शब्द होते, ते पौर्वात्य व पाश्चिमात्य भाषांत एक आहेत;
परंतु उन्हाळा व हेमंत यांना तसे एक शब्द नाहींत; या वरूनही आर्याचे मूळ
वस्तिस्थान युरोपखंडाच्या उत्तर भागांत असावे, असे स्पष्ट होते. त्याप्रमाणेच
व्याघ्र, सिंह, या पशूंनां आर्य लोक एकत्र होते, त्या वेळचे शटु नाहींत, या वरूनही
ही गोष्ट सिद्ध होते; शिवाय मूळचे आर्यलोक हे पुष्कळ गुरें, ढोरें बाळगून
रहात असल्यामुळे त्यांना चांगल्या व मुबलक चान्यांची कुरणें, व आपल्या सार-
ख्याच जोमदार, धिप्पाड, व गौरवर्णाच्या लोकांची उत्तम वाढ होण्यास भरपूर हवा
व मोकळी मैदाने यांची अत्यावश्यकता होती; अशी जागा, म्हणजे रशियातील
उरल पर्वताचे दक्षिणेपासून जर्मनीचे उत्तर भागापर्यंतचा प्रदेश ही असून तेंच
आयचे मूळ वस्तीस्थान असावें, असें अनुमान आहे; व पूर्वीच्या लोकांच्या
सांपडलेल्या डोक्यांच्या कवच्या वरूनही या अनुमानास पुष्टी मिळत आहे;
पान:मराठ्यांचा इतिहास भाग १.pdf/२००
या पानाचे मुद्रितशोधन झालेले आहे
( १८१ )
![](http://upload.wikimedia.org/wikipedia/commons/thumb/8/8b/%E0%A4%AE%E0%A4%B0%E0%A4%BE%E0%A4%A0%E0%A5%8D%E0%A4%AF%E0%A4%BE%E0%A4%82%E0%A4%9A%E0%A4%BE_%E0%A4%87%E0%A4%A4%E0%A4%BF%E0%A4%B9%E0%A4%BE%E0%A4%B8_%E0%A4%AD%E0%A4%BE%E0%A4%97_%E0%A5%A7.pdf/page200-629px-%E0%A4%AE%E0%A4%B0%E0%A4%BE%E0%A4%A0%E0%A5%8D%E0%A4%AF%E0%A4%BE%E0%A4%82%E0%A4%9A%E0%A4%BE_%E0%A4%87%E0%A4%A4%E0%A4%BF%E0%A4%B9%E0%A4%BE%E0%A4%B8_%E0%A4%AD%E0%A4%BE%E0%A4%97_%E0%A5%A7.pdf.jpg)