भोगण्याची पात्रता राहिली नाहीं; जीवन-कलहाच्या दामटींत सांपडून मनुष्य-
त्वाचीच दामटी होऊन गेली आहे; श्रम करून शरीरसंपत्तीची दाणादाण
केली, तरी संसारांतली ताणाताण रतिमात्रही कमी होत नाहीं; क्वचित् कुठें
तेजस्विता असली तरी घरांत दाणा नाहीं, रात्रंदिवस 'आणा ' संपत नाहीं;
अशा स्थितीत बाणा तरी कसला मिरवावयाचा ! एका बाजूनें भिन्नप्रकृति
राजसत्ता, घातुक शासनपद्धति, ठेंचून टाकणारें शिक्षण, उल्हास पावणारें
दारिद्र्य, यमकिंकराचें अप्रतिहत प्रावल्य, संभावितपणाचे सोंगांत ऐटीने मिर-
विणारें इरसाल दौर्बल्य; अनेक प्रकारच्या कायद्यांनी चहूंकडून जखडून टाक
ल्यामुळे कसल्याही उद्योगधंद्याचा गर्भ धरण्यास असमर्थ झालेली प्रसववंध्या
राष्ट्रलक्ष्मी, कमालीची स्वार्थपरायणता, संकुचितपणाची पराकाष्ठा, कान धरून
हलविले तरीही न उघडणारी काळझोंप ' मला नाही तर नाहीं, पण तुला तरी घेऊं
देणार नाही,' असला अमानुष नीचपणा, पारतंत्र्यांत मुरलेली श्वानवृत्ती, भूषण
वाटणारा गळेकापूपणा; जातीजातींचा द्वेष, स्वजनांचा मत्सर, दया, प्रेम वगैरे
कोमल मनोवृत्तींचा अभाव; आणि दुसऱ्या बाजूने व्यक्तिस्वातंत्र्याच्या नांवानें
मिरविणारा उल्लूपणा, व्यासंग आणि उद्योग यांचें कार्पण्य, नाना प्रकारचीं
परकीय विलोभनें, विझणान्या ज्योतीप्रमाणे क्षणमात्र उत्तेजित करून काय-
मचे निर्वीर्य करणारें उद्दीपक साहित्य, कल्पनेचा पाट अनिर्बंध फोडून देऊन
मनोदीर्वव्याचें पीक पिकविणारें भ्रामक वाजाय, वाक्शक्तीचा खाऊ हातावर
घेऊन क्रियाशक्तीचें भूषण न कळत हरविणारे वर्तमानपत्नी विद्यार्थी, इतिहास-
संशोधनाच्या अगर सत्यप्रियतेच्या नांवाने होणारे विषारी ग्रंथलेखन, देश-
कालानें उत्पन्न केलेल्या फराळांची दुकानें, नाट्यमंदिरें वगैरे सारख्या संस्था,
सुखोपभोगाची मोहक व सुलभ साधनें, पाश्चात्य व्यापारानें व संस्कृतीने
निर्माण केलेला हा मायेचा बाजार, पाण्याची भूमी व भूमीचें पाणी भासविण्याची
मयासुरी कला अवगत असलेली पाश्चात्य सरस्वती, आणि पूर्वी सांगितल्या-
प्रमाणें ' यस्य कस्य तरोर्मूलं' असल्या खंडपंडितांनी बेजबाबदारपणानें केलेले
निरर्गल प्रलाप, अफाट ध्येयें, अचाट कल्पना, अनिवार सभा, बेजार फंड,
आणि असल्या खाणींत उत्पन्न झालेला ' यद्वा तद्वा' मानववंश;-यांच्या दुहेरी
मान्यांत सांपडून वैदिक धर्म, वैदिक संस्कृति, आणि महाराष्ट्र यांची राख-
रांगोळी होण्याची वेळ आली आहे !!
पान:ब्रह्मर्षि श्री अण्णासाहेब पटवर्धन यांचे चरित्र.pdf/४५३
या पानाचे मुद्रितशोधन झालेले आहे
१४०
उपसंहार.