अलंकारांनी रहित होत्या. परंतु त्यांचा शील हा अलंकार नेहमी त्यांच्यापाशी असल्यामुळे किंवा तो इतर अलंकारांप्रमाणे शत्रूना जिंकून घेता येण्याजोगा नसल्यामुळे ते त्या अलंकाराने रहित असे कधीच झाले नाहींत. व त्यामुळेच त्यांचे नांव अजरामर झाले आहे. नाहीतर जगाच्या आरंभापासून आजपर्यंत, पायाच्या नखापासून डोक्याच्या केंसाच्या अग्रापर्यंत दागिन्यांनीं व उंची वस्त्रांनी नटणारे असंख्य पुरुष व स्त्रिया मरून गेल्या असतील, परंतु त्यांची नांवेंही आम्हांला माहीत नाहींत. तेव्हां अलंकारापेक्षां शील या अलौकिक अलंकाराचे महत्त्व किती आहे याचा विचार प्रत्येकाने करावा. शरीराला भोंके पाडून त्यांत घालावयाचे व शरीराला भारभूत होऊन दुसयाच नेत्रांना सुंदर भासणारे अलंकार संपादन करण्यापूर्वी विचारी स्त्री, पुरुष व मुले यांनी मनाला व शरीराला भारभूत म्हणजे जड न हीणारा, व आपल्या मनाला आल्हादरूपाने पदोपदीं फलद्रूप होणारा शील हा अलंकार अगोदर संपादन करावा. | कारण सर्व सृष्टीचे सुखास शील ही अवश्यक गोष्ट आहे. जगांतील सुख वाढविण्यास व दु:ख कमी करण्यास अत्यंत उपयोगी अशी मनुष्याच्या हातची गोष्ट शीलाशिवाय दुसरी कोणतीही नाही. कारण मानवी कृतीमले जे दःख होते, ते मुख्यतः स्वार्थीपणाच्या व अ कृतींनी होते. मानवी दु:खाच्या कारणाबद्दल जर थोडा विचार केला तर आपणास असे आढळन ये मनुष्याचे दुःशाल हेच सदर दुःखाचे कारण आहे -
