हे पान प्रमाणित केलेले आहे.
३०
असें हें साधन ज्याचें चितीं वसें ।
मायाजाळ नासें तुका म्हणे ॥ ४ ॥
( ९ )
मायाजाळ नासें या नामेकरूनि ।
प्रीति चक्रपाणीं असो द्यावी ।। १ ।।
असो द्यावी प्रीती साधूंचे पायांसी
कदा कीर्तनासी सोडूं नये ॥ २ ॥
सोडूं नये पुराणश्रवण कीर्तन | ।
मनन निदिध्यास साक्षात्कार ।। ३ ।।
साक्षात्कार झालिया सहज समाधि
तुका म्हणे उपाधि गेली त्याची ।। ४ ।।
( १० )
गेली त्याची जाणा ब्रह्म तोचि झाला ।
अंतरीं निवाला पूर्णपणें ।। १ ।।
पूर्णपणे घाला राहतो कैशा रीती ।
त्याची आतां स्थिती सांगतो मी ॥ २ ॥
