हे पान प्रमाणित केलेले आहे.
२४
घेण्याची व्यवस्था केली आहे. जेथें दोन्ही पाठ सारखेच वाटले तेथें सांप्रदायांतीलच ठेविला आहे. भजनाचें हस्तलिखित पुस्तक व पंचसमासी नामक प्रकरण हीं आमचे मित्र रा. पंचनदीकर यांजकडे शुद्धिकरितां प्रथम पाठविलीं होतीं; त्याप्रसंगी त्यांनी केलेले पद शेवटी दिले आहे. तदनंतर ती पुन्हां आमच्या दुसऱ्या एका गुरुबंधूंकडे पाठविण्यात आली, त्यांनीं होतां होईल तो शुद्ध करून ती आम्हांकडे परत पाठविली. प्रस्तावना, पंचसमासी समास २ पैकीं पुष्कळ भाग व पांचव्या समासांतील मुक्तिलक्षण (६७-८१) ही त्यांच्याच हातचीं आहेत. शेवटीं ज्या परमेश्वरानें हे पुस्तक छापण्याचा सुयोग घडवून आणिला त्याचे चरणींच तें अर्पण करून ही प्रस्तावना पुरी करतो.
-प्रकाशक.
