पुढे पुढे दाई हा शब्द प्रचारांतून जाऊन आतां बोलण्यांत वगैरे फक्त निप्पोन ही संज्ञा राहिली आहे.
मार्को पोलो नांवाच्या ग्रीक प्रवाशाने माहिती करून देई- पर्यंत जपानाविषयीं युरोपियन लोकांमध्ये पूर्ण अज्ञान होतें. हा प्रवासी सुमारें सहाशें वर्षांपूर्वी होऊन गेला. 'जपानी लोक पुष्कळ सुधारलेले आहेत व त्या देशांत सोनें पुष्कळ आहे' असें ह्या प्रवाशानें, आपण आपल्या देशांत परत गेल्यावर आपल्या देशबांधवांस सांगितलें. तदनंतर कोलंब - साने जेव्हां पश्चिमेकडील सफर आरंभिली तेव्हां त्याचाही रोख निःसंशय जपानाकडे होता, असें मानण्यास पुष्कळ आधार आहे.
मनोहर सृष्टिसौंदर्याबद्दल, वारंवार होणाऱ्या भूकंपां- बद्दल, असंख्यात अशा ज्वालामुखी पर्वतांबद्दल, आणि कलाकौशल्याच्या पुष्कळ कामांबद्दल तर जपानची प्रसिद्धी आहेच आहे. पण अलीकडे ह्या देशाकडे पाश्चात्य व पौरस्त्य लोकांचें जें सारखे लक्ष लागलें आहे, त्याचें कारण निराळे आहे. व्यापाराच्या व अनेक कलाकुशलतेच्या कामां- बद्दल चीनदेशाची ख्याति थोडी आहे असें नाहीं; परंतु आज ' काल त्या देशाबद्दल कोणास तितकें कौतुक न वाटत जपानाविषयी जे अलीकडे वाटू लागलें, त्याला मुख्य कारण झटलें ह्मणजे “ इतर देशांकडे लक्षपूर्वक नजर देऊन आणि परिस्थितीचें व कालाचें नीट विचारपूर्वक अवलोकन करून, त्या परिस्थितीला व कालाला योग्य अशा सुधारणा करून जगांत मी मी ह्मणविणारी जी यूरोपखंडांतील राष्ट्रें, त्या राष्ट्रांच्या मांडीस मांडी ठोकून बसण्याची योग्यता आपल्या
