णापासून कदाकाळीं झालें तर आपले हितच होईल. नुकसान 'कधीही व्हावयाचें नाहीं. त्याचप्रमाणे इतर देशांतल्या राजांची जशी आपापल्या देशांत इभ्रत आहे व परकी देशांत योग्यता आहे, तशी आपल्या राजाचीही व्हावी; व आपल्या राष्ट्राला इतर राष्ट्राच्या बरोबरीनें कोठेही जगांत मान मिळावा, अशी त्यांना फार उत्कट इच्छा होऊं लागली. एका प्रख्यात दाय- मियोनें शोगुनला अशा आशयाचे पत्र पाठविलें. त्या पत्रांतील मजकुराच्या यथार्थाबद्दल शोगुनचीही खात्री झाली. व आपल्या हातांतील सत्ता मुकाट्यानें मिकाडोच्या हातांत देण्यास तो तयार झाला.
शगुननें राजिनामा दिला व मिकाडोच्या हातीं सत्ता आली. येणेंप्रमाणे कांहींही रक्तस्राव न होतां ही राज्यक्रांति झाली ह्मणावयाची. मिकाडोनें जगांतील सर्व राजांना स्वतः आपल्या सहीने पत्रे पाठवून कळविलें कीं, आजपासून सर्व सत्ता भी आपल्या हातीं घेतली आहे. मिकाडोचें नांव लोकांना कळले व त्यांतून तें स्वतः त्याच्याकडून अशी ही पहिलीच वेळ. १८६८ साली 'ओकूबो' नांवाच्या मुत्सद्यानें राजाला पत्र लिहिलें; त्याचा मतलब असा कीं, "आजपर्यंत आमचे राजे नेहमी पडद्याच्या आडच बसत आले आहेत, त्यामुळें गरीब प्रजाजनांचीं गान्हाणी आजपर्यंत थेट त्यांच्या काना- पर्यंत कधींच पोंचलीं नाहींत. सर्व सत्ताधारी प्रभूला हें योग्य नाहीं. करितां आपण पूर्वीची वहिवाट सोडून आपल्या + प्रजाजनांच्या दृष्टीस पडून त्यांचे नेत्र तृप्त करीत चला."
ही गोष्ट मिकाडोला मान्य झाली. त्यावेळी त्याचें वय अठरा एकोणीस वर्षाचें होतें, कियाटो हैं शहर राजधानीला
