या पानाचे मुद्रितशोधन झालेले आहे
तुझी तुलेच सोबत
करपल्या काळजाची
मीच इचारलं मले
कोनाच्या मी नसीबाची ?
....
गुलबासाच्या फुलाले
कोनी दिला लाल रंग ?
जाईजुईच्या फुलाले
रसमाचं गोरं अंग ?
फळ कोनी रसाळले ?
दाने दुधानं भरले ?
रानचाफ्याच्या कुपीत
गंध भरूनिया दिले ?
....
बीज वाऱ्यानं आनीलं
आभाळाची वली माया
न्हाई झेलली भुईनं
कोन निर्मिल ही काया ?
कोन निर्मिल ही माया ?
वाऱ्या पावसाच्या संग
तुही संगत मोलाची
माही संगत मोलाची
तू वो तुज्या नसीबाची
मी वो माझ्या नसीबाची !!!
●
कविता गजाआडच्या / ८४
