या पानाचे मुद्रितशोधन झालेले आहे
मी वो कोन्या नसीबाची?
त्यांनी इच्यारलं माले
कोनाच्या तू नसीबाची
नवऱ्याच्या की बापाच्या
कुना कुनाच्या हिश्याची?
बीज पेरनाऱ्याची की
आभाळाच्या भरूशाची?
त्यांनी इच्यारलं माले
कोनाच्या तू नसीबाची
कंदी बापाची दावन
नवऱ्याचं पायतन
पोरावांच्या अंगनात
बिन मोलाचं लोढनं
त्यांनी इचारलं माले
कोनाच्या तू नसीबाची
नवऱ्याच्या की बापाच्या
पोरावांच्या हिसेबाची ?
....
बीज पेरनाऱ्यानं ग s
पीक खुडूनिया नेलं
बिन भरोशाची माया
ढग दावूनिया गेलं
कविता गजाआडच्या / ८३
