या पानाचे मुद्रितशोधन झालेले आहे
अरे पावसा.. पावसा
कोनी क्येलं रे चेटूक
जीव झाला येडा पिसा
किती झुंजशील बाप्पा
अरे पावसा...पावसा...
थळथळलेली शेतं
रान झालं मुकं..मुकं
मान मोडुनिया हुबं
पान लागलेलं पिक
ऊन वाहिसनी ग्येलं
सूर्य गेला कुन्या देसा?...
हुबी पान्यात लेकुरे
माय झाली कसनुशी
फाटलेल्या आभायाला
चार टाके घालू कसी?
इघुरल्या पदराचा
तुला घालते आडोसा.....
कशी तुही येडी माया
माय धुपावून गेली
बाळ कनसांची काया
मुकेपणी खरचली
कविता गजाआडच्या/५८
