या पानाचे मुद्रितशोधन झालेले आहे
पाऊस (१)
चहू अंगानी... अंगानी
दाट आभाळ झेपलं
काळ्या मातीच्या कवेत
रूप माईना सावळं... चहुअंगानी !!
लाख धारांचे...धारांचे
कसे सोसावे कहार ?
काळ्या रेसमी पोतात
जडविले निळेमोर... चहुअंगानी !!
रान मोरांचे...मोरांचे
लाख डोळ्यंचे पिसार
हुब्या अंगात...अंगात
वल्या गंधाचे शहार... चहुअंगानी !!
खिन थांबल्या...थांबल्या
जित्या रगताच्या लाटा
भर रानात अवेळी
कोनी ठकविल्या वाटा ?.... चहुअंगानी !!
●
कविता गजाआडच्या /५६
