या पानाचे मुद्रितशोधन झालेले आहे
नशा अमृताची
भरलास देवा साऱ्या चराचरी
आहे तुझ्या घरी । न्याय कुठे ? ।।
तुला म्हणे देवा लक्ष लक्ष डोळे
पेंगताती खुळे । नको तेव्हा
आशीर्वाद - कृपा असा तुझा न्याय
मानेवरी पाय । अश्रापाच्या ॥
उन्मत्त उदंड भूमीलाही दंड
माजले हे पुंड
म्हणती दांभिक आम्ही पुण्यवंत
त्यांचा कृपावंत । तूच देवा ॥
धनिकांच्या घरी तुझ्या तसबिरी
चाले सावकारी
शाय - विश्वास पाळेनात कोणी
भरतात गोणी । पापाची ती ॥
वर - आशीर्वाद, आण वा वचन
सारे अर्थशून्य । करतोसी ॥
फुलता निष्पाप कोमल ते फूल
पाडतोसी भूल । वणव्याची ॥
दुबळे पिडित आले आसयाला
देई त्यास थारा । तोच मरे
उषःकाल । २
