या पानाचे मुद्रितशोधन झालेले आहे
वात्सल्य
आषाढ सरीचा पाऊस झडावा
सारे चिडीचिप गारवा पडावा
चिखल-पाण्यात नागडेच पाय
घराकडे धाव वावगे ते काय ?
कोवळ्या कदाची छबी डोळ्यापुढे
फाटक्या शेल्यात राजस पहुडे
कातर सांजेला हंबरते गाय
साद पाडसाची, उधळते पाय
जरी दयाधन दुर्बला घातक
पाडितो अकाल, घायाळ चात क
परी अरूपाचे रूप कृष्ण कान्हा
वासरा पाहुनी उचंबळे पान्हा
चिमणीच्या दारी तिची चिवचिव
विनवी पावसा 'माझी तुला कीव
आम्हा दुर्बलांचा तूच दयाधना
पिलांना आणीन पाणी-दाना'
काल । ४७
