पान:आयुष्याचा सदुपयोग.pdf/१९२

१८५

कंटाळा आला. तूं जो माझा मार्गदर्शक, सत्यस्वरूपी, माझ्या संसाराचें अंतिम तत्व, ज्याविषयींच्या ममतेमुळे माझ्या साध्या हृदयास ऊत येतो, त्या तुझ्याकडे, मनांत प्रेरणा उत्पन्न झाल्या- मुळें, तुझ्या संगतींत रहाण्याकरितां, व मेल्यानंतर तुझ्यांत लीन होण्याकरितां, मी धांव घेतों."
 मार्टिनो ह्मणतोः–“जे माझ्यापुढें ईश्वराबद्दल पाल्हाळ लावि - तात, व त्याचे हेतु व त्यानें ठरविलेल्या कल्पना पूर्णपणें अव- गत आहेत अशा रीतीनें जे बोलतात, प्रत्येक रचनेचें कारण अ- थवा प्रत्येक गोष्टींत व्यक्त झालेली ईश्वरी दया, सांगण्यास जे एका पायावर तयार असतात, विश्वांत चाललेली नेहमींची काट- कसर व त्यांत दिसणारा शहाणपणा जे वानितात, वकिली श- क्कलीचें उत्तम उदाहरण ह्मणून जे त्याची स्तुती करितात, ईश्व- रानें उत्पन्न केलेल्या पवित्र वनस्थलींतून फिरत असतां, एकाद्या बंद्या गुलामाप्रमाणें डौलानें चार पावलें टाकितात, तीं माणसें, त्यांच्या निश्चितपणामुळे, व खात्रीलायक कल्पनांनी मला वेडावून टाकितात; मला नास्तिकपणाच्या वेदना होतात, व त्यांच्या कानीं कपाळी ओरडावें लागतें-कमी मागत असला तरी मी सर्व द्यायला तयार आहें. (तुह्मी सांगाल तें कबूल करावयास तयार आहें.)"
 डी स्टॅनले आपल्या आयुष्याचें सार्थक्य पुढे लिहिलेलें होतें असें ह्मणतो: “जगांतला आस्तिकपणा व नास्तिकपणा ह्यामध्यें चालणारें जें झुंज, तें मोडून टाकणें, व ज्या पर्वता - चरून देव आपणाला मदत पाठविणार त्या पर्वतावर आपली ए- काग्रता करण्याचा थोडा तरी यत्न करणें."
 हर्बर्ट स्पेन्सर ह्मणतो- “ज्या गूढांचा विचार करूं लागलों ह्मणजे तीं अधिकाधिक गूढ वाटू लागतात, अशीं गूढें ह्या जगांत आहेत; तरी ज्या अनंत आणि शाश्वत आदि शक्तीपासून हें जग