या पानाचे मुद्रितशोधन झालेले नाही
भाग ७. पृथ्वी आणि चंद्र. पृथ्वी. या भागांत पृथ्वीचें वर्णन पाहून वाचकांस प्रथमदर्शनीं शंका येईल कीं, 'अंतरिक्षांतील चमत्कार' या पुस्तकांत मध्येच 'भूगोलवर्णन' कोठून आलें ! परंतु, पृथ्वी ही ताऱ्यांप्रमाणेंच अंतरिक्षांतील एक गोल आहे, आणि सूर्यमालेतील इतर ग्रहां- प्रमाणे एक ग्रह आहे, या गोष्टीकडे अंमळ लक्ष दिले असतां वाचकांची शंका सहज दूर होणार आहे. आह्मी सूर्यमाले तील ग्रहांचें वर्णन अनुक्रमानें करीत आहों, आणि त्याप्रमाणें बुध व शुक्र या प्रथम दोन ग्रहांचें वर्णन मागील दोन भागांत केलें. सूर्यमालेतील तिसरा ग्रह आपली पृथ्वी असल्यामुळे, ‘ग्रह' या दृष्टीनें तिचें वर्णन या भागांत केलें आहे.
