गणपतीची आरती/जय देव जय देव जय गणपती देवा

विकिस्रोत कडून
Jump to navigation Jump to search
template error: please do not remove empty parameters (see the style guide and template documentation).

<poem> जय श्रीगणेशा गणपति देवा, आरती मी करितो । मोरया आरती मी करितो । भक्तां संकटी पावुनी सकला प्रसन्न तू होतो ॥ धृ. ॥

भाद्रपद मासी शुक्ल चतुर्थी, पार्थिव तुझ करिती । मोरया पार्थिव तुझ करिती ॥ भक्तां पावुनि अंती तयाला मोक्षाला नेसी ॥ १ ॥

नानापरिची द्रव्ये पुष्पें, तुजला अर्पिती । मोरया तुजला अर्पिती । मोदक आणिक रक्तफुलांवरी किती तुझी प्रिती ॥ २ ॥

भक्त रक्षणासाठी देवा, अष्टस्थानीं प्रकटशी । मोरया अष्टस्थानीं प्रकटशी ॥ तू मायेची फुंकर घालुनी, तयांस उद्धरशी ॥ ३ ॥

स्थावर क्षेत्री पंचदेवता, तुजला प्रार्थीती । मोरया तुजला प्रार्थीती ॥ प्रसन्न होऊनी तू त्या स्थानी, मोरेश्वर होसी ॥ ४ ॥

थेऊर क्षेत्रीं भक्त तुझे बहु, चिंता ते करिती । मोरया चिंता ते करिती । चिंता हरिशी म्हणुनी गणेशा चिंतामणि म्हणती ॥ ५ ॥

पल्लव क्षेत्री भक्त चिमुकलें, तुजला पूजिती । मोरया तुजला पूजिती ॥ प्रसन्न होऊनी तू त्या स्थानी, बल्लाळेश्वर होसी ॥ ६ ॥

दत्तात्रेय सुत विनवितसे चरणी । मोरया विनवितसे चरणी ॥ सर्व जनाते संकटी रक्षी, हीच असे विनवणी ॥ ७ ॥

<poem>


PD-icon.svg हे साहित्य भारतात तयार झालेले असून ते आता प्रताधिकार मुक्त झाले आहे. भारतीय प्रताधिकार कायदा १९५७ नुसार भारतीय साहित्यिकाच्या मृत्युनंतर ६० वर्षांनी त्याचे साहित्य प्रताधिकारमुक्त होते. त्यानुसार १ जानेवारी १९५६ पूर्वीचे अशा लेखकांचे सर्व साहित्य प्रताधिकारमुक्त होते. Flag of India.svg