गणपतीची आरती/आरती त्रिपुरमर्दनाची
<poem>
आरती त्रिपुरमर्दनाची। वृषभध्वजा उमेशाची ॥ धृ. ॥
वामांकिनी उमा बैसे। सव्यवेष्ठित विघ्नेशें ॥ नंदी भृंगी उभे सरसे। पहाती विचित्रशावेशें ॥ चाल ॥ नेत्री पहा पहा शंभा, चंद्र्सूर्य नमिती रात्रिंचर चरण भद्रक्रर, असती शांतमूर्ति ज्याची। भॊळा वाणी असे साची ॥ १ ॥
वाणी देवि घरी वीणा। विधीकरि करताल निपुणा ॥ इंदिरा गान रचनपूर्णा। इंद्र पटू वेणुनाद करणा ॥ चाल ॥ धिमिधिमि मृदंगाचा। निशामुखी नाद सांद्र्पटु मंद हरि करींद्र सुंदरास्य ना केंद्र सर्व लक्षुनि सेविति, विधृति तांडवाची, शंभुला विधृती तांडवाची ॥ २ ॥
नंदी वाहन असें द्वारी। घेती दर्शन नरनारी ॥ नमितां त्रिविधताप सारी। सुरवर उमेश कामारी ॥ चाल ॥ बोरवेष्यिलासे गणे, बाण डमरूधर, भव्यगौरिहर, प्राशीजो जहर, शांती जो करि अमराची, नमितो तुजला गजाननजी ॥ ३ ॥
<poem>
|
हे साहित्य भारतात तयार झालेले असून ते आता प्रताधिकार मुक्त झाले आहे. भारतीय प्रताधिकार कायदा १९५७ नुसार भारतीय साहित्यिकाच्या मृत्युनंतर ६० वर्षांनी त्याचे साहित्य प्रताधिकारमुक्त होते. त्यानुसार १ जानेवारी १९५६ पूर्वीचे अशा लेखकांचे सर्व साहित्य प्रताधिकारमुक्त होते. | 
|
