या पानाचे मुद्रितशोधन झालेले आहे
________________
कधी कधी
नदीसारखं जगावं
सहन होतय तोवर सारा कचरा बरोबर ठेवावा
बरोबर ठेवावा
फारच वाढला तर आपणच
वळण घेऊन तिथंच सोडावा
भूतकाळाचा गाळ पायाशी ठेवून
पुढं पुढं वहातच रहा
येणाऱ्यांनी यावं, बघावं
बेफाम होऊन उधळत रहावं
हरवून आनंदात सदा उसळावं
आपण आपलं वहात रहावं
कौतुक काठावर पेरत जावं
तुझं पण नदी सारखचं होतं
स्वतःसाठी कधी जगणंच नव्हतं
निरंतर तुझं हसणं होतं, फुलणं होतं
कोमल मनी फक्त बहरणं होत
आजन्म सोबत वचनी बांधलीस
शपथ सुटली म्हणालीही नाहीस
वाटलं होतं येशील चोरपावली
ना तू फिरकलीस, ना तुझी सावली
किती रंगला होता गं डाव
खोल हृदयी तो अजुनि जपला
तू नाहीस पण तुझ्या खुणा
येतात कधी कधी सोबतीला...
४१ / वय माझे पाच हजार
