पान:मेणबत्त्या १९०६.pdf/२५

मेणबत्या.

भाग १ ला.

प्रारंभीचा इतिहास.

 मेणवत्ती ही वस्तू जरी बऱ्याच प्राचीन काळापासून माहीत आहे, तरी पण स्वच्छ प्रकाश देणारी व पांढऱ्या रंगाची कठिण मेणबत्ती सन १८२५ पूर्वी तयार झाली नव्हती. पूर्वीचे लोक मेण ऊन करून बातीवर लावून मेणबत्ती तयार करीत असत. त्या कृतीवरूनच मेणबत्ती हा संयुक्त शब्द उत्पन्न झाला आहे असे दिसतें. ते लोक मे ऊन करून दोन्याच्या वातीवर लावून पाहिजे त्या जाडीच्या व लांबीच्या मेणबत्या तयार करीत असत. परंतु रसायनशास्त्रांत जसजसे अधिक शोध लागत चालले, तसतसे या कामही चांगले शुद्ध व उपयोगी पदार्थ उत्पन्न होऊं लागले.
 हल्लीं बाजारांत ज्या पांढऱ्या मेणबत्या मिळतात, त्या खरोखर मेणाच्या केलेल्या नसतात; परंतु स्निग्ध पदार्थातील कठिण व पांढऱ्या रंगाचीं आसिडें काढून त्यांच्या केलेल्या असतात. या पदार्थांचा शोध कोणी व कसा लावला याबद्दलची थोडी माहिती दिली असतां हुन्नरी लोकांस ज्यास्त उत्तेजन येईल व नवीन शोधानें मानवी समाजास सुख मिळून तो लावणारास कीर्ति व लक्ष्मी प्राप्त होते तें समजून उद्योगी होण्याची महत्वाकांक्षा उत्पन्न होईल.