यामध्ये प्रामुख्याने नागरी संस्था, विणकरांसाठी संस्था, सरकारी कर्मचाऱ्यांसाठी संस्था, चर्मकारांसाठी संस्था, अंत्योज्यांसाठी संस्था, शिक्षक सहकारी संस्था, रेल्वे कर्मचाऱ्यांसाठी संस्था इ. प्रकारच्या संस्था बडोदा संस्थानात महाराजांनी स्थापन केल्या. १९२२-२३ या वर्षात 'गायकवाड बडोदा राज्य रेल्वे कर्मचारी संस्था' या बिगर कृषी संस्थेची नव्याने स्थापन करण्यात आली. तसेच मुस्लिमांसाठी काम करणारी 'मोहमेडन नागरी सहकारी संस्था' बडोदा शहरात कार्यरत होती.
१९२९-३० मध्ये सरार पाणीपुरवठा संस्था ग्रामीण भागातील लोकांना, जनावरांना आणि घरगुती वापरासाठी पाणीपुरवठा करीत होती. या संस्थेने ऑईल इंजिन खरेदी करून त्यामार्फत लोकांना पाणीपुरवठा करण्याचे नियोजन केले होते. १९३१- ३२ या आर्थिक वर्षात बिगर कृषी संस्थांची संख्या १८४ इतकी झाली. यामध्ये १४ शहरी बँका, ५७ पूर निवारण संस्था, १३ नोकरदार संस्था, ४१ विणकरांच्या संस्था, ११ चर्मकार संस्था, ८ काटकसर संस्था, २१ सहकारी भांडारे, १ परस्पर सहकार्य संस्था, ५ गृहनिर्माण संस्था, ६ संस्था अस्पृश्य जातींशी संबंधित व ७ संस्था इतर वर्गाशी संबंधित होत्या.
मध्यवर्ती सहकारी बँका आणि बँकिंग संघटना
१९१५-१६ मध्ये बडोदा संस्थानात २ नागरी बँका कार्यरत होत्या. या संस्थांपैकी एक संस्था बडोदा येथे तर दुसरी वसो या ठिकाणी होती. बडोदा येथील नागरी बँक छोटे व्यापारी, मोठे