मुसलमानांनी मांडलेल्या पाकिस्तानच्या योजना १२५ स्तानच्या ज्या योजना तपशिलासह मांडण्यात आलेल्या आहेत, त्यांतहि हीच दृष्टि आहे. ‘पंजाबी'ची योजना ‘पंजाबी' हे टोपण नांव धारण करणा-या लेखकाने मांडलेली ‘पाकिस्तान'ची योजना Confederacy of India (भारताचे सरसंघराज्य) या नांवाने ओळखली जाते. या योजनेच्या जन्मदात्याने आपली योजना ग्रंथरूपाने लोकांपुढे मांडली आहे. हिंदुस्थानांत प्रथम पांच संघराज्ये (Federations ) स्थापन व्हावी आणि या सर्वांना एकत्र नांदविणारे सरसंघराज्य (Confederacy) अस्तित्वांत यावे असे 'पंजाबी'चे म्हणणे आहे. या पांच संघराज्यांतल्या पहिल्या संघराज्याला त्यांनी "The Indus Regions' Federation (सिंधु-स्तान संघराज्य) असे नांव दिले आहे. सिंध, वायव्य सरहद्दप्रांत, बलुचिस्तान, व (अंबाला जिल्हा, कांग्रा जिल्हा व होशियारपूर जिल्ह्यांतले उना व ग-शंकर तालुके एवढा भाग वगळून उरलेला) पंजाव एवढा सध्यांच्या ब्रिटिश हिंदुस्थानांतला भूभाग, व काश्मीर, भावलपूर, अंब, दीरस्वात, चित्रळ, खानपूर, कलात, लासबेला, कपूर्थळा व मालेरकोटला एवढा संस्थानी मुलुख या सगळ्यांचे मिळून सिंधु-स्तान संघराज्य बनावयाचे आहे. या क्रमांक १ च्या संघराज्यांत ३,९३,८३८ चौरस मैल क्षेत्रफळाचा भूभाग जात असून, त्यांत एकंदर ३ कोटी ३० लक्ष लोक नांदावयाचे आहेत. या लोकसंख्येत मुसलमानांचे प्रमाण शेकडा ८२ असेल, शिखांचे प्रमाण शेकडा ६ असेल व हिदंचे प्रमाण शेकडा ८ असेल, असा अंदाज करण्यांत आलेला आहे. पांच संघ-राज्यांपैकी दुसरें संघराज्य 'हिंदुभारत संघराज्य' म्हणून ओळखले जावे, असे ‘पंजाबी' म्हणतात. संयुक्तप्रांत, मध्यप्रांत, ओरिसा, आसाम, मद्रास, मुंबई, बिहार व बंगालचा थोडासा भाग एवढा सध्यांच्या ब्रिटिश भारतांतला भूभाग आणि राजस्थानी संस्थाने व ‘दक्षिणी संस्थान संघराज्यांत' न घेतलेली संस्थाने हा संस्थानी विभाग यांचे मिळून हे हिंदू भारत संघराज्य' निर्माण व्हावयाचे आहे. या संघराज्याचे क्षेत्रफळ ७,४२,१७३ चौरस मैल असेल. त्यांत २१,६०,४१,५४१ लोक नांदतील व या लोकसंख्येत
