पान:मराठी रंगभुमी.djvu/206

विकिस्रोत कडून
Jump to navigation Jump to search
या पानाचे मुद्रितशोधन झालेले आहे
भाग ३ रा.

पौराणिक नाटके कोणत्या धर्तीवर करावीं ?–बुकिश नाटकांविषयीं हलगर्जीपणा-ऐतिहासिक नाटकांत सुधारणा उत्तेजन-नाट्यकलेची आस्ते आस्ते सुधारणा झाली पाहिजे-- बुकिश व संगीत नाटके परिणामकारक होण्याचे सामान्य नियम -संगीत नाटकांसंबंधाने विशेष सूचना --चालकांची अंतर्बाह्य व्यवस्था --नाटकांत स्त्रिया असण्यापासून फायदे व तोटे-- हल्लीच्या संगीत नाटकांचे पर्यवसान--लोकाभिरुचि कोणी बिघडविली?-नाट्यकला सुधारण्यास कोणी कसे साहाःय केलें पाहिजे ?–जाहिराती व हस्तपत्रकांत सुधारणा-नाटक गृहें कशी असावी?--नाट्यकलेसंबंधाने विद्वानांचे विचार.

पौराणिक नाटके कोणत्या धर्तीवर करावीं?

 बुकिश नाटके रंगभमीवर होऊ लागल्यापासून पौराणिक नाटके मागे पडली, व आतां कचित् प्रसंगीच तीं पाहण्यास मिळतात. पौराणिक नाटकें नावडती होण्यास मुख्य कारण त्यांतील धांगडधिंगा होय. हा धागडा कमी करून बकिश नाटकांच्या धर्तीवर जर त्यांची रचना केली तर ती लोकप्रिय होतील. आमच्या मतें भारत, भागवत व रामायण या ग्रंथांतून जे कथाभाग वर्णिले आहेत त्यांच्या इतके सरस कथाभाग दुसरीकडे मिळणे मुष्किल आहे. कपट, राज्यकारस्थान, शाैर्य, नीति इ. गोष्टींचा प्रेक्षकांच्या मनावर उत्तम ठसा उमटविण्या इतके वरील ग्रंथांत जितके प्रसंग आहेत तितके दुसरी-