कै.सौभाग्यवती डाक्टर आनंदीबाई जोशी. २९
_______________________________________________________________
झाली हानि खरी; पुढें न भरुनी येईल ती काटितां !
तेणें लेश परी यशोनिधि तुझा झालाच नाहीं रिता. ११
नारी त्वत्सम थोर आर्यभुवनीं जन्मोनियां यावरी
साराया झटतील दुःखद दशा स्वीय स्वसांची दुरी;
बाई घालुनियां परंतु पहिला आहे धडा त्वां दिला,
आनंदें इतिहासकार ह्मणुनी गातील आधी तुला. १२
स्त्रीनें जन्मवरी घरांत बसुनी फुंकीत जावें चुली,
बेचाळीस कुळे पवित्र ह्मणजे केली तिनें आपली;
ज्यांना आवडले असेल मत हैं त्यांनी तुला निंदुनी
घ्यावें अज्ञजनी मिळेल तितकें धन्यत्व संपादुनी. १३
योषिद्रत्न पडे परंतु पदीं ज्याच्या तुझ्यासारखें
त्याचाही मज धन्यवाद नकळे गावा किती या मुखें;
केली भूषित आर्यभूच मग ही सारी जिनें, त्या तुझें
वर्णाया यश शारदाच बहुधा आली स्वयें पाहिजे ! १४
पद्ये हीं चवदाच काय चवदा वर्षे जरी लागती
साध्वी त्वगुण वर्णितां न मति ही माझी तरी भागती
हा ! हा! पुण्य परंतु आज पदरीं माझ्या नसे एवढे !
येई चालवितां न यास्तव मला ह्या लेखणीला पुढे ! १५