९८. क्षमता वृद्धी
तुम्ही ज्या ठिकाणी काम करता तिथल्या लोकांची क्षमता वाढविण्याची गरज आहे,की नाही किंवा त्यांचं मनोधैर्य उंचावण्याची गरज आहे की नाही कसं तपासणार?ते तपासण्यासाठी सात प्रश्न विचारा-
१. लोकांना, तुमच्या सहकाऱ्यांना त्यांच्या कामात रस वाटतो आहे की नाही?
२. गैरहजेरीचं किंवा काम सोडून जाण्याचं प्रमाण खूप आहे की नाही ?
३. लोकांची संस्थेविषयीची बांधीलकी कशी आहे ? टीम स्पिरीट ?
४. एकमेकांमधला संपर्क तगडा आहे की क्षीण ?
५. काम करण्याबाबत लोकांना ते करताना अभिमान वाटतो की नाही ?
६. अकार्यक्षमता आणि ढिसाळपणामुळे खर्च अवास्तव होतो आहे की काय ?
७. तुम्ही जो माल बनवता आहात किंवा तुम्ही जी सर्व्हिस देता आहात त्याची
गुणवत्ता कशी आहे?
वर लिहिलेल्या सात प्रश्नांचं विश्लेषण केलं की उत्तरं मिळतील.लोकांची क्षमता कुठे वाढवायची गरज आहे, कुठल्या प्रकारचं प्रशिक्षण आयोजित करायला पाहिजे ते देखील समजेल.
