या पानाचे मुद्रितशोधन झालेले आहे
झिम्मा
अजून घुमतो मनात झिम्मा
खळखळते अन् कांचापाणी
उनाडक्यातील मजा चोरटी
घालित पिंगा दावी निशाणी...
वळचणीतली जमाडीजम्मत
चिंचेवरचा गाभूळ टवका
खुल्या दिलांची निरंग संगत
रंगत असते चुकवित धाका...
पाझरेतल्या मणीथेंबांचा
स्पर्श गारवा हुकवित.. चुकवित
रंगखड्यांच्या गूढ गुहांची
गुप्त वाट अन शोधित... शोधित...
शब्द परवली अजून तेथे
तिथेच मीपण झिंगझिंगते
बालमनाच्या वळचणीतली
चिमणी आठव रंगरंगती....
●
कविता गजाआडच्या/ ९२
