Jump to content

पान:कविता गजाआडच्या.pdf/६२

विकिस्रोत कडून
या पानाचे मुद्रितशोधन झालेले आहे

घर

आपणच आपल्या घरात
'आश्रित' होतो
तेव्हा
'घर' या शब्दकोशातील
शब्दांचा अर्थ शोधित
रानोमाळ भटकावे लागते
वनवासी होऊन.
आणि
अचानक भेटतो
तो म्हातारा
'घर देता का घर?'
म्हणत
दारोदारी वणवणणारा...
...
थकून भागून
कधीतरी
बाभळींच्या सावलीत
निवान्त झोपलेला
आणि
अचानक ओंजळीत येतं
स्वप्नातलं घर
कधीच न हरवणारं..

कविता गजाआडच्या /६३