या पानाचे मुद्रितशोधन झालेले आहे
२८ ऑगस्ट १९९५ ची पहाट,
बिजिंगच्या दिशेची..
गच्च अंधाराच्या पंखावरून उडताना
आगीनगाडीच्या धुरा सारखा
अंधार
मागे..मागे
घरंगळून पडत गेला.
बहुदा,
रावणाच्या खांद्यावर बसून
उडणाऱ्या सीतेने
मागे फेकलेल्या
आकंठ दागिन्यांसारखा....
तर,
मैत्रिणी मीरे
तू
त्याही वाटेवर भेटलीस.
न थांबता
न थकता
न वाकता
चालणारी तू...
अंगभर पहेनकर 'धीरज का घागरा'
आणि
'सचकी ओढनी'
'अनदेख्यो' प्रदेशाची
वाट चालणारी
नवी दिशा शोधणारी
कविता गजाआडच्या /५०
