या पानाचे मुद्रितशोधन झालेले आहे
समर्पित जीवने
अक्षरांना अर्थ देऊन श्वास पेरित चालणे
अमृता वोल्हाविती ही समर्पित जीवने...
पारिजाताने लवावे हृदय जैसे कोमळ
दुःखितांच्या वेदनांचे चुंबुनी ओले वळ
वाहत्या सरितेपरी तीर फूलवित वाहणे...
जहर शब्दांचे पचवुनी हास्य ओठी गोंदले
कर्मयोगी पावलांशी कंटकांची हो फुले
पेटत्या ज्वालेपरी पंख पसरून सांजणे...
ईश्वराची साक्ष येथे लक्ष लवती मस्तके
स्वेदयात्री हे भिकारी मानवैभव या फिके
ज्यातिने ज्योतीस उजळित जन्मवेरी चालणे...
●
कविता गजाआडच्या /४८
