या पानाचे मुद्रितशोधन झालेले आहे
कोण दे आमंत्रण
त्या स्वरांच्या जीवघेण्या लक्ष हाका वेढिती
दूर पुरल्या चांदण्या रक्तातुनी वेल्हाळती
आत्मरंगी रंगल्या रानी अचानक वादळे
उतरत्या पाण्यातुनी वणवे फुलांचे पेटले
दिवसकलुनी सांजधारा दाटल्या माथ्यावरी
परतिच्या वाटेवरी का मातवीसी वैखरी ?
दूरच्या दूरात झुलते सायलीची वेलण
वठुनी गेलेल्या ऋतूंना कोण दे आमंत्रण
सोलुनी सुख राजवर्खी आतले विष प्राशिले
आज का वळणावरी आयुष्य अवघे पेटले
●
कविता गजाआडच्या /४४
